Саяхан өөрийн "Echo" нэртэй шинэ цомогоо худалдаанд гаргаад удаагүй байгаа дуучин бүсгүй Leona Lewis тун удахгүй буюу 12 сарын 18 нд нээлтээ хийх алдарт найруулагч James Cameron -ы "Avatar" хэмээх киноны дуу I see you хэмээх дууг дуулжээ. Уг дууг зохиосон уран бүтээлчид болох  James Horner, Simon Franglen нар нь энэ талдаа архаг гарууд бөгөөд урд нь "Titanic" киноны "My heart will go on" дууг бидний чихнээс уясан хүмүүс юм.   

 
Английн авьяастан шалгаруулах X factor нэвтрүүлгийг манайхан энэ тэндхийн телевизүүдээр өм цөм үзсээр байгаад танил болсон байх. Энэхүү нэвтрүүлгийн эцсийн шатанд тэнцэгсэд олон нийтийг уриалан дуудах ажилд идэвхтэй оролцдог. Түрүүчийн шоуны оролцогчид дайныг эсэргүүцэж Mariah эгчийн дуулсан Hero дууг дуулсан бол энэ удаагийн оролцогчид энэрэнгүй үйлсэд нэгдэж талийгч Michael-ийн You are not alone дууг дахин амьдруулжээ. Энэхүү дуу яг одоо Английн хитийг тэргүүлж байгаа юм. Манай ТВ-үүд ч сүүлийн үед ийм төрлийн шоунуудыг маш ихээр хийх болсон нь саашаалтай хэдий ч зөвхөн шар ногоон цаас авч гардгийг нь биш, яг шоуны цаана тэднийг олны нүдэнд гарахад хэрхэн бэлддэг талаар нь судалж дуурайгаасай гэж боддогоо хэлэхийг хүслээ. Ингээд клипээ хүлээн авна уу.

Америкийн хөгжмийн зохиолч R&B дуучин R. Kelly өөрийн бие даасан 8 дахь цомогоо гаргалаа. Энэхүү цомог нь 11 сарын 30 нд Англид, 12 сарын 1 нд АНУ -д худалдаанд гарах юм байна. Худалдаанд гарахаас нь өмнө татаж авах боломжтой болж байна. Цомогийн анхны сингл Keri Hilson той дуулсан "Number One" дуу нь хэдийнээ хит болж чадсан билээ. Уул нь энэ цомог аль 2008 онд гарах байж байгаад зарим нэгэн шалтгаанаас болж нэрээ өөрчлөн гаргасан гэнэ.  

 
Английн  R&B дуучин Jay Sean америкийн хөгжмийн ертөнцөд хөл тавихаар шийдэж өөрийн 3 дахь цомгоо  All Or Nothing нэрээр гаргалаа. Түүний эхний сингл Lil Wayne-тэй хамтран дуулсан "Down" сингл нь энэ оны 6 сарын 30 нд гарсан бөгөөд гарсан даруйдаа АНУ-гийн хамгийн их татагдсан дуугаар шалгарч байсан байна. Харин одоо түүний "Do You Remember" хэмээх хоёр дахь сингл нь Billboard-ийн 27 байранд яваа юм.